მარნეულის მუნიციპალიტეტი
ოფიციალური ვებგვერდი
ცხელი ხაზი
ინფრასტრუქტურული პროექტები

 

ქვემო ქართლში სახელმწიფო რწმუნებულმა მარნეულში სასმელი წყლის პროექტები მოინახულა
19 დეკ 2018
 

ქვემო ქართლში სახელმწიფო რწმუნებულმა შოთა რეხვიაშვილმა, მარნეულის მერის მოვალეობის შემსრულებელ ზაურ ტაბატაძესთან და პირველი მოადგილე ზვიად ჭუნაშვილთან ერთად, მარნეულში მიმდინარე ინფრასტრუქტურული პროექტები მოინახულა.

სახელმწიფო რწმუნებული თვითმმართველობის სხვა ხელმძღვანელ პირებთან ერთად იმყოფებოდა სოფელ კირაჩ-მუღანლოში სადაც სასმელი წყლის მოწყობის სამუშაოებს გაეცნო და პროექტის ფარგლებში მიმდინარე სასმელი წყლის ჭაბურღილების, სატუმბი სადგურის, რკინა/ბეტონის წყალშემკრები რეზერვუარის, წყალსადენი მაგისტრალის, სოფლის შიდა ქსელისა და გამრიცხველიანების მოწყობის სამუშაოები დაათვალიერა.

აღსანიშნავია, რომ საპროექტო მაგისტრალი მოეწყობა პოლიეთილენის მილით, რომლის სიგრძეა 21 884 კმ. ხოლო რკინა/ბეტონის წყალშემკრები რეზერვუარები იქნება 400 მ3 ტევადობის, რომლის მეშვეობითაც მოხდება სოფლის შიდა ქსელისა და მრიცხველების მოწყობა 304 ოჯახის წყალმომარაგების მიზნით. პროექტი ხორციელდება რეგიონებში განსახორციელებელი პროექტების ფონდიდან და ადგილობრივი ბიუჯეტის თანადაფინანსებით, რომლის სახელშეკრულებო ღირებულება 704 787 ლარს შეადგენს.

მხარის ხელმძღვანელმა პირებმა ასევე, მოინახულეს სოფელ სადახლოში მიმდინარე სასმელი წყლის სისტემის მოწყობისა და შიდა ქსელის რეაბილიტაციისთვის მიმდინარე სამუშაოები. პროექტის ფარგლებში დაგეგმილია წყალსადენის ახალი ქსელების მოწყობა, რომლის სიგრძე დაახლოებით 29 კმ. იქნება, ასევე, ახალი რეზერვუარის და არსებულ სატუმბ სადგურში დამატებითი ტუმბოს მონტაჟი. პროექტის დასრულების შემდგომ მოსახლეობა შეუფერხებლად მომარაგდება სასმელი წყლით. პროექტი ხორციელდება რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით, რომლის სახელშეკრულებო ღირებულება 1 305 935 ლარია.

გარდა ამ პროექტებისა, ქვემო ქართლში სახელმწიფო რწმუნებულმა, თანმხლებ პირებთან ერთად იმყოფებოდა სოფელ აღმამედლოში, სადაც სასმელი წყლის შიდა ქსელის მოწყობის სამუშაოებს გაეცნო, რომელიც ამჟამად აქტიურ ფაზაშია შესული, სადაც პროექტის ფარგლებში გათვალისწინებული ცენტრალური მაგისტრალის მილების გაყვანა მიმდინარეობს. პროექტი ორ ეტაპიანია და სამუშაოების შესრულებისთვის გათვალისწინებულია 269 388.8 ლარი.

შოთა რეხვიაშვილმა მარნეულის მუნიციპალიტეტში მიმდინარე ინფრასტრუქტურული პროექტები დადებითად შეაფასა.

 
 
მნახველთა რაოდენობა: 1009
 
 
 
ინფრასტრუქტურული პროექტები
თებ 21 ხუთ 2019
876
 
 
სიახლეები
2019 ნოემბერი
ორშსამოთხხუთპარშბკვ
123
45678910
11121314151617
18192021222324
252627282930