მარნეულის მუნიციპალიტეტი
ოფიციალური ვებგვერდი
ცხელი ხაზი
ანონსი

 

ანონსი
22 აპრ 2016
 

23 აპრილს მსოფლიო ოცადამეერთედ აღნიშნავს წიგნისა და საავტორო უფლებების დაცვის საერთაშორისო დღეს.

გამონაკლისი არც მარნეულის მუნიციპალიტეტია, აღნიშნულთან დაკავშირებით 23 აპრილს, შაბათს 12:00 საათზე, დემოკრატიული ჩართულობის ცენტრის თანამშრომლების მიერ მოეწყობა მცირე პრეზენტაცია და ახალგაზრდების მიერ მომზადდება საინფორმაციო პოსტერი, რომლის შემდგომაც ღონისძიების მონაწილეები კულტურის სახლის წინ მდებარე სკვერში გადაინაცვლებენ, სადაც მოეწყობა წიგნის საჯაროდ კითხვა, ნებისმიერ მსურველს საშუალება ექნება მათი საყვარელი წიგნებიდან საჯაროდ წაიკითხონ ნაწყვეტები.
ღონისძიება გაიმართება მარნეულის მუნიციპალიტეტის გამგეობისა და მარნეულის დემოკრატიული ცენტრის ერთობლივი ორგანიზებით, რომლის მიზანია წიგნის პოპულარიზაცია, წიგნის მნიშვნელობის წარმოჩენა, განათლებული თაობის აღზრდის ხელშეწყობა და საზოგადოების მოწოდება, რომ უფრო მეტად იკითხონ და შეიყვარონ წიგნი.
ღონისძიებაზე დამსწრე ნებისმიერ მსურველს შესაძლებლობის ფარგლებში, შეუძლია მოიტანოს თითო წიგნი, რომელიც შეგროვდება შაუმიანის დევნილთა დასახლების "სათემო განათლების ცენტრისთვის", რათა შაუმიანში მცხოვრებ ახალგაზრდებს საშუალება ჰქონდეთ გაამდიდრონ მათი ბიბლიოთეკა და იკითხონ მეტი წიგნი.
წიგნისა და საავტორო უფლებების დაცვის საერთაშორისო დღის თარიღი სიმბოლურია მსოფლიო ლიტერატურის ისტორიაში, რადგან 1616 წლის 23 აპრილს გარდაიცვალა უილიამ შექსპირი, ხოლო 1916 წლის ამავე დღეს კი - ორი ესპანელი მწერალი მიგელ დე სერვანტეს საავედრა და ინკა გარსილასო დე ლა ვეგა. 1995 წელს პარიზში გაეროს განათლების, მეცნიერებისა და კულტურის ორგანიზაციის (იუნესკო) გენერალურ კონფერენციაზე 23 აპრილი გამოცხადდა წიგნისა და საავტორო უფლებების დაცვის საერთაშორისო დღედ (World Book and Copyright Day), რომლის აღნიშვნაც 1996 წლიდან დაიწყო.
იუნესკო ამ დღეს მოუწოდებს მსოფლიო თანამეგობრობას გაუღვივონ ახალგაზრდებს წიგნის კითხვის ინტერესი, გააფართოვონ წიგნის გამოცემები და ხელი შეუწყონ საავტორო უფლებების დაცვას.
ღონისძიებაზე დასწრება თავისუფალია!

 
 
მნახველთა რაოდენობა: 5082
 
 
 
ანონსი
მაი 23 ორშ 2022
1482
აგვ 18 სამ 2020
3041
სექ 13 პარ 2019
4216
სექ 07 შბ 2019
3949
იან 31 ხუთ 2019
4821
ნოემ 06 სამ 2018
5004
თებ 16 პარ 2018
5037
დეკ 14 ხუთ 2017
5639
ნოემ 20 ორშ 2017
6414
ნოემ 13 ორშ 2017
5613
ოქტ 03 სამ 2017
5781
სექ 12 სამ 2017
5455
ივნ 29 ხუთ 2017
5643
ივნ 23 პარ 2017
5669
მაი 15 ორშ 2017
5742
აპრ 20 ხუთ 2017
5906
 
 
სიახლეები
2024 მარტი
ორშსამოთხხუთპარშბკვ
123
45678910
11121314151617
18192021222324
25262728293031