მარნეულის მუნიციპალიტეტი „სახალხო თეატრების ფესტივალისთვის“ ემზადება.

სახალხო თეატრების ფესტივალის კვირეული, 24 სექტმებერს 17:00 საათზე ქალაქ მარნეულის კულტურის სახლში გაიხსნება, რომელზე დასწრებაც თავისუფალია ნებისმიერი მსურველისთვის.
ფესტივალის გახსნის ცერემონიის შემდეგ, წარმოდგენილი იქნება კულტურის ცენტრთან არსებული თეატრალური დასის სპექტაკლის „დაარქვი, რაც გინდას“ პრემიერა, გოჩა ხვიჩიას რეჟისორობით, რომელიც ამავე ფესტივალის კონკურსში მიიღებს მონაწილეობას. 
ფესტივალში მონაწილეობას მიიღებს საქართველოს სხვადასხვა რეგიონებიდან წარმოდგენილი რვა სახალხო თეატრი. 
აღსანიშნავია, რომ ფესტივალს ექნება კონკურსის სახე, სადაც გამოვლინდება სხვადასხვა ნომინაციებში გამარჯვებულები და გადაეცემათ სპეციალური ჯილდები. 
ღონისძიება მარნეულის „კულტურის ცენტრის“ ინიციატივითა და გამგეობის მხარდაჭერით იმართება.
როგორც ორგანიზატორები აცხადებენ სახალხო ფესტივალების ჩატარება მარნეულში ყოველწლიურ ხასიათს მიიღებს, რაც ხელს შეუწყობს სახალხო თეატრის წახალისებას და პოპულარიზაციას.
ღონისძიებას დაესწრებიან საქართველოს ცენტრალური და ადგილობრივი ხელისუფლების წარმომადგენლები და სხვა მოწვეული სტუმრები.